پشاور (بیورو رپورٹ) صوبہ خیبر پختونخوا کے قبائلی ضلع خیبر کی تحصیل جمرود میں نامعلوم افراد نے لیویز فورس کے کیپٹن شربت خان کو گولی مار کر ہلاک کردیا۔
https://twitter.com/ShabbirTuri/status/1590993838507962368?t=SutOVfcfwIWyE36FcfyzTQ&s=19
پولیس کے مطابق جمرود کے علاقے شاہ کس مستل خیل میں رات کے وقت نامعلوم افراد کی فائرنگ سے کیپٹن شربت خان ہلاک ہوگئے۔
پولیس نے بتایا کہ شربت خان لیویز سنٹر سے چھٹی کے بعد جمرود شاہ کس مستل خیل ایریا میں اپنے رشتے داروں کے ہاں رکا ہوا تھا۔ ہلاک ہونے والے شربت خان کی ڈیڈ باڈی انکے گھر منتقل کردی گئی ہے۔
دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔
ترجمان محمد خراسانی نے دعویٰ کیا ہے کہ یہ حملہ چند روز قبل سیکورٹی فورسز کے چھاپے میں ہلاک ہونے والے تحریک طالبان پاکستان کے کمانڈر لیاقت عرف ابوبکر کے انتقام میں کیا گیا۔
