اسلام آباد (ش ح ط) صوبہ خیبر پختونخوا کے ضلع ٹانک میں پیر کو فوجی قافلے پر حملے میں خودکش حملہ آور سمیت دو افراد ہلاک ہوگئے۔
ٹانک میں تھانہ ایس ایم اے کی حدود میں بولٹن آباد کے قریب فوجی کانوائے پر خودکش دھماکا، دھماکے میں خودکش بمبار سمیت 2 افراد ہلاک۔ ڈی پی او #Tank کے مطابق خودکش بمبار کا حدف سیکیورٹی فورسز کی گاڑیاں تھی تاہم دھماکے میں سیکیورٹی فورسز مکمل محفوظ رہیں اور کسی قسم کا نقصان نہیں ہوا۔
— Shabbir Hussain Turi (@ShabbirTuri) November 21, 2022
یہ واقعہ ٹانک جنوبی وزیرستان روڈ پر تھانہ ایس ایم اے کی حدود میں بولٹن آباد کے علاقے میں اس وقت پیش آیا جب سکیورٹی اہلکار ایک کانوائے کی شکل میں جا رہے تھے۔
پولیس کے مطابق دھماکے میں خودکش بمبار ہلاک جبکہ ایک مشتبہ شخص کے زخمی ہونے کی بھی اطلاعات ملی ہیں۔
زخمی کو فوری طور پر ہسپتال منتقل کیا گیا جہاں وہ زخموں کی تاب نہ لاتے ہوے ہلاک ہوگیا۔
ڈسٹرکٹ پولیس آفیسر ٹانک کے مطابق خودکش بمبار کا حدف سیکیورٹی فورسز کی گاڑیاں تھیُ تاہم دھماکے میں سیکیورٹی فورسز کے اہلکار مکمل طور محفوظ رہیں اور کسی قسم کا نقصان نہیں ہوا۔ آخری اطلاعات آنے تک دونوں ہلاک شدگان کی شناخت کا عمل جاری تھا۔
سکیورٹی فورسز نے علاقے کو گھیرے میں لیکر سرچ آپریشن شروع کردیا۔
