چارسدہ (نمائندہ ڈیلی اردو) صوبہ خیبر پختونخوا کے ضلع چارسدہ کے علاقے جاڑہ میں نامعلوم افراد کی فائرنگ سے ایک پولیس اہلکار ہلاک ہوگیا ہے۔
— KP Police (@KP_Police1) December 31, 2022
یہ واقعہ تھانہ عمر زئی کی حدود میں پیش آیا۔
پولیس کے مطابق تھانہ عمر زئی کی حدود جاڑہ علاقے عمر زئی میں ایف آر پی کے موٹر سائیکل سوار اہلکار مزمل شاہ کو نامعلوم موٹر کار میں سوار افراد نے فائرنگ کرکے ہلاک کر دیا۔ ہلاک کانسٹیبل مزمل ڈپٹی کمانڈنٹ کا گنر تھا۔
https://twitter.com/ShabbirTuri/status/1609189778796449793?t=Rbh3p-mCAo9AzCZdbP7HUA&s=19
واقعہ کی اطلاع ملتے ہی ڈی پی او چارسدہ سہیل خالد اور ڈی ایس پی چارسدہ سرکل احسان شاہ بھاری پولیس نفری کے ہمراہ پہنچ گئے اور ملزمان کی گرفتاری کیلئے علاقے میں سرچ آپریشن شروع کر دیا جبکہ پولیس نے سی ٹی ڈی ضلع مردان میں نامعلوم افراد کے خلاف مقدمہ درج کرلیا۔
دریں اثناء کانسٹیبل مزمل شاہ کی نماز جنازہ پولیس لائن چارسدہ میں ادا کردی گئی‘ کانسٹیبل کی نماز جنازہ میں ڈی پی او چارسدہ سہیل خالد، ڈپٹی کمانڈنٹ ایف آر پی جہانزیب خان۔ایس پی انویسٹی گیشن سجاد خان‘سرکل ایس ڈی پی اوز‘ایس ایچ اوز‘ مزمل شاہ کے رشتہ داروں اور پولیس جوانوں نے شرکت کی۔
چارسدہ : عمرزئی میں شہید ہونیوالے کانسٹيبل مزمل شاہ کی نماز جنازہ پولیس لائنز میں سرکاری اعزاز کیساتھ ادا کردی گئی. نماز جنازہ میں ڈی پی او چارسدہ سہیل خالد، ڈپٹی کمانڈنٹ ایف آر پی جہانزیب خان، ایس پی انوسٹیگیشن سجاد خان، پولیس افسران و اہلکاران اور شہید کےرشتہ داروں نے شرکت کی۔ pic.twitter.com/CcmWeYR7Zi
— KP Police (@KP_Police1) December 31, 2022
کانسٹیبل مزمل شاہ ڈپٹی کمانڈنٹ ایف آر پی جہانزیب خان گارڈ کے فرائض انجام دے رہے تھے۔ کانسٹیبل کی نماز جنازہ آبائی علاقے مہمند ناڑی میں بھی ادا گی گئی۔وقوعہ کے فوراً بعد ڈی پی او چارسدہ نیجائے وقوعہ کا دورہ کرکے علاقے میں سرچ آپریشن شروع کردیا ہے۔
