اسلام آباد (ڈیلی اردو) حساس اداروں اور کاؤنٹر ٹیررازم ڈیپارٹمنٹ (سی ٹی ڈی) اسلام آباد نے مبینہ خودکش حملہ آور کو کارروائی سے پہلے گرفتار کرلیا۔
سی ٹی ڈی ذرائع کے مطابق مبینہ دہشتگرد ذاکر اللہ کو تصویر جاری ہونے کے بعد جدید ٹیکنالوجی کی مدد سے گرفتار کیا گیا۔
ذرائع کے مطابق ملزم کے دو سہولت کاروں کو بھی گرفتار کیا گیا ہے۔
سی ٹی ڈی کا کہنا ہے کہ ملزم تھانہ ترنول کی حدود میں پہنچ گیا تھا۔
تیس دسمبر2022 کو دہشت گردی کے خطرے کے پیش نظر وفاقی دارالحکومت میں سکیورٹی ریڈ الرٹ کی گئی تھی اور قانون نافذ کرنے والے اداروں نے ممکنہ خودکش بمبار کی تصویر بھی جاری کی تھی۔
ذرائع کے مطابق قانون نافذ کرنے والے اداروں کو انٹیلی جنس ذرائع سے اطلاع ملی تھی کہ ممکنہ دہشت گرد ذاکر خان ولد لائق جس کا تعلق صوبہ خیبر پختونخوا سے ہے۔ دہشت گردی کے لیے وفاقی دارالحکومت اسلام آباد میں داخل ہونے کی کوشش کرے گا۔
