لکی مروت (ڈیلی اردو/ٹی این این) صوبہ خیبر پختونخوا کے ضلع لکی مروت میں تھانہ شادی خیل پولیس کی کار پر فائرنگ سے ایک اہلکار ہلاک جبکہ ایڈیشنل ایس ایچ او شدید زخمی ہوگئے ہیں۔
https://twitter.com/ShabbirTuri/status/1611257743087927302?t=kKWQ1sDfVOVALiDbGl4c2A&s=19
پولیس ترجمان کے مطابق لکی مروت کے بیٹنی سب ڈویژن میں تھانہ ورگاڑی پولیس پر رات کے وقت نامعلوم مسلح افراد نے حملہ کیا جس کی مدد کیلئے مقامی لوگ مسلح ہوکر نکل آئے اور حملہ آوروں پر فائرنگ شروع کردی اس دوران قریبی تھانوں سے بھی پولیس نفری طلب کرلی گئی۔
لکی مروت میں تھانہ ورگاڑی پر دہشت گردوں کا بھاری ہتھیاروں سے حملہ، پولیس اور اہل علاقے نے دہشت گردوں کا حملہ ناکام بنا دیا، دونوں اطراف سے کسی قسم کی جانی اور مالی نقصان کی اطلاع نہیں ملی، دہشت گرد اندھیرے کی آڑ میں فرار ہونے میں کامیاب ہوگئے۔#LakkiMarwat #Pakistan
— Shabbir Hussain Turi (@ShabbirTuri) January 5, 2023
دوسری جانب مروت کینال روڈ پر تھانہ ورگاڑی پولیس کی مدد کیلئے جانے والی تھانہ شادی خیل پولیس کی کار پر فائرنگ ہوئی جس میں ایک پولیس اہلکار سمیع اللہ ہلاک جبکہ ایڈیشنل ایس ایچ او حبیب اللہ شدید زخمی ہوئے ہیں۔
واقعے کے بعد پولیس نے علاقے کو گھیرے میں لے لیا ہے اور سرچ آپریشن جاری ہے۔
اس سے قبل ڈیرہ اسماعیل خان میں بھی پولیو ٹیم کی حفاظت پر معمور اہلکاروں پر فائرنگ اور دستی بم حملہ کیا گیا تھا، جس کے نتیجے میں 77 اہلکار زخمی ہوئے تھے۔