160

عافیہ صدیقی سے متعلق قوم جلد خوشخبری سنے گی: وفاقی وزیر علی محمد خان

گوجرانوالہ (نیوز ڈیسک) وفاقی وزیر مملکت برائے پارلیمانی امور علی محمد خان نے کہا ہے کہ ڈاکٹر عافیہ صدیقی کے حوالے سے قوم جلد خوشخبری سنے گی۔

گوجرانوالہ میں میڈیا سے گفتگو میں علی محمد خان نے کہا کہ عوام کا اعتماد اس وقت صرف وزیراعظم عمران خان پر ہے۔

ایک سوال کے جواب میں وزیر مملکت برائے پارلیمانی امور نے کہا کہ ڈاکٹرعافیہ صدیقی کی رہائی کے حوالے سے قوم جلد خوشخبری سنے گی۔

گزشتہ کئی روز سے امریکا میں قید ڈاکٹر عافیہ صدیقی کی رہائی کے حوالے سے افواہیں سرگرم تھیں،جس پر ترجمان دفتر خارجہ نے لاتعلقی کا اظہار کیا تھا،مگر آج وفاقی وزیر نے ایک بار پھر اس ایشو کو زندہ کردیا۔

علی محمد خان نے مزید کہا کہ نوازشریف کے علاج کے لیے حکومت تمام وسائل بروئے کار لائے گی،سابق وزیراعطم کے کیسز سے موجودہ حکومت کا کوئی تعلق نہیں۔

ان کا کہنا تھا کہ جب بیگم کلثوم نواز بیمار تھیں تو وزیراعظم عمران خان اور میں نے انکےلئے دعائیں کیں۔

ایک سوال کے جواب میں وزیر مملکت برائے پارلیمانی امور نے کہا کہ مجھے نہیں یہ اللہ کو پتا ہے کہ سابق صدر آصف علی زرداری جیل جائیں گے یا کہیں اور جائیں گے۔

اس خبر پر اپنی رائے کا اظہار کریں

اپنا تبصرہ بھیجیں