کراچی (ڈیلی اردو) صوبہ سندھ کے صوبائی دارالحکومت کراچی میں کاؤنٹر ٹیررازم ڈیپارٹمنٹ (سی ٹی ڈی) اور حساس ادارے نے مختلف علاقوں میں کارروائیاں کرتے ہوئےکالعدم تنظیم کے 5 مبینہ دہشت گرد گرفتار کرلیے۔
سی ٹی ڈی کے مطابق مشترکہ کارروائیوں کے دوران کالعدم تنظیم کے5 مبینہ دہشت گرد مواچھ گوٹھ اور صدر ایمپریس مارکیٹ سےگرفتارکیےگئے۔
سی ٹی ڈی کا کہنا ہےکہ مبینہ دہشت گرد کراچی سے حب کو بجلی سپلائی کرنے والی ہائی ٹینشن لائن اڑانا چاہتے تھے، مبینہ دہشت گردوں نے لسانی بنیاد پر ٹھٹہ میں تاجر پر قاتلانہ حملےکا بھی اعتراف کرلیا۔
سی ٹی ڈی کے مطابق مبینہ دہشت گردوں نے غیرملکیوں اور حساس ادارے کے افسران کی ریکی کرنےکا بھی اعتراف کیا۔
