ینگون (ڈیلی اردو) میانمار کے علاقے ساگاینگ کے ایک گاؤں پر میانمار کی فوج نے فضائی حملہ کیا، جس سے 7 افراد ہلاک ہوگئے۔
دارالحکومت ینگون سے خبر ایجنسی کے مطابق میانمار کی فوج نے مقامی گاؤں میں ہونے والی ایک تقریب پر بمباری کی۔
خبر ایجنسی نے عینی شاہدین کے حوالے سے بتایا کہ میانمار فوج کی بمباری سے گاؤں کے 7 افراد ہلاک جبکہ 5 زخمی ہوئے ہیں۔
عینی شاہدین کا کہنا ہے کہ بمباری سے درجنوں مکانات تباہ ہوگئے جبکہ بجلی اور مواصلات کا نظام متاثر ہوا۔
خبر ایجنسی کا کہنا ہے کہ فضائی حملے پر میانمار فوج کی جانب سےکوئی تبصرہ نہیں کیا گیا۔
