لاہور (ڈیلی اردو) کانٹر ٹیررازم ڈیپارٹمنٹ (سی ٹی ڈی) نے صوبہ پنجاب کے ضلع رحیم یار خان میں خفیہ اطلاع پر کارروائی کرتے ہوئے کالعدم تنظیم القاعدہ کے دو مبینہ دہشت گردوں کو گرفتار کرلیا۔
سی ٹی ڈی نے پنجاب کے ضلع رحیم یار خان میں خفیہ اطلاع پر کرتے ہوئے القاعدہ کے دو مبینہ دہشت گردوں کو گرفتار کرلیا۔ سی ٹی ڈی کے مطابق گرفتار دہشت گردوں کے قبضے سے دھماکہ خیز مواد، الیکٹریکل ڈیٹونیٹرز، اسلحہ اور بم ڈیوائسز برآمد کرلیا۔#AlQaeda #Punjab #Pakistan
— Shabbir Hussain Turi (@ShabbirTuri) January 30, 2023
سی ٹی ڈی حکام کے مطابق گرفتار ملزمان کی شناخت احمد حسن اور غلام علی کے نام سے ہوئی ہے۔
حکام کے مطابق سی ٹی ڈی نے خفیہ اطلاع کی بنیاد پر رحیم یار خان میں کارروائی کی ، گرفتار ملزمان حساس تنصیبات کو نشانہ بنانے کی منصوبہ بندی کے لیے ایک چوک میں جمع ہوئے تھے ۔
اطلاع پر سی ٹی ڈی کے اہلکار موقع پر پہنچ گئے ، اہلکاروں کو دیکھتے ہی ملزمان نے جائے وقوعہ سے فرار ہونے کی کوشش کی تاہم سی ٹی ڈی حکام نے گرفتاری سے قبل ملزمان کو گھیرے میں لے لیا۔
سی ٹی ڈی حکام نے ملزمان کے قبضے سے دھماکہ خیز مواد، الیکٹریکل ڈیٹونیٹرز، غیر قانونی اسلحہ اور بم ڈیوائسز برآمد کر لیں ، ملزمان کیخلاف مقدمہ درج کر لیا گیا جبکہ مزید تفتیش کے لیے نامعلوم مقام پر منتقل کر دیا گیا ہے۔