بولان (ڈیلی اردو) بلوچستان اسمبلی کے ایم پی اے سردار یار محمد رند کے بیٹے میر سردار خان رند کے قافلے پر بم حملہ، دھماکہ میں سردار خان کے 2 محافظ ہلاک اور ایک زخمی ہو گیا۔
اسسٹنٹ کمشنر ڈھاڈر کا کہنا ہے کہ ابتدائی اطلاعات کے مطابق سردار رند کے قافلے کو ڈھاڈر کے علاقے نوشمان میں نشانہ بنایا گیا، دھماکہ آئی ای ڈی کے ذریعے کیا گیا، لاشوں اور زخمیوں کو سول ہسپتال ڈھاڈر منتقل کیا گیا ہے۔
رکن صوبائی اسمبلی سردار یار محمد رند نے بتایا کہ میرے بڑے صاحبزادے سردار خان رند کے قافلے پر بم حملہ ہوا ہے، سردارخان رند محفوظ ہیں، تاہم قافلے میں شامل دیگر افراد زخمی اور ہلاک ہوئے ہیں۔
An IED blast had hit the convoy of Sardar Khan Rind the elder son of Sardar Yar Muhammad Rind in Shoran area of district Kachi. One personal guard of Sardar Khan Rind killed and two injured in the attack. pic.twitter.com/UiqrmBvPzn
— Saadullah Akhter (@saadiakhter) March 11, 2023
وزیراعلیٰ بلوچستان میر عبدالقدوس بزنجو نے رکن صوبائی اسمبلی سردار یار محمد رند کے صاحبزادے سردار خان رند کے قافلے پر بم دھماکے کی مذمت کی اور دہشت گردی کی کارروائی میں دو محافظوں کے ہلاک اور دیگر کے زخمی ہونے پر دکھ اور افسوس کا اظہار کیا۔
انہوں نے کہا کہ اللہ کا شکر ہے کہ سردار خان رند دھماکے میں محفوظ رہے، وزیراعلیٰ نے دھماکے میں ملوث عناصر کو قانون کی گرفت میں لانے کے لیے تمام وسائل استعمال کرنے کی ہدایت کی ہے۔
میر عبدالقدوس بزنجو نے کہا کہ دہشت گرد عناصر خوف و ہراس کی فضا پیدا کرنا چاہتے ہیں، صوبے میں امن و امان کی صورتحال ہر صورت برقرار رکھی جائے گی۔
https://twitter.com/Mao_Baluch/status/1634567103972876288?t=GtwJd_ns-WXNW0koAM2OOA&s=19
