وارسا (ڈیلی اردو/ڈی پی اے/اے پی) پولینڈ کے صدر کا کہنا ہے کہ ان کا ملک یوکرین کو ایک درجن مگ 29 لڑاکا طیارے دینے کا منصوبہ بنا رہا ہے۔ اس طرح پولینڈ یوکرین کی حکومت کی جنگی طیاروں کی فوری طلب پورا کرنے والا پہلا نیٹو رکن بن جائے گا۔
پولش صدر آندرج ڈوڈا نے جمعرات کو کہا کہ ان کا ملک چار سوویت ساختہ جنگی طیارے پولینڈ کو دینے کے لیے تیار ہے اور آنے والے دنوں میں مگ 29 لڑاکا طیارے کییف کے حوالے کر دے گا جبکہ یوکرین کی باقی عسکری ضروریات جانچ پڑتال کے بعد آہستہ آہستہ مستقبل میں پوری کی جائیں گی اور یوکرین کو جس جس جنگی سامان کی ضرورت ہوگی وہ فراہم کیا جائے گا۔
ڈوڈا نے یہ نہیں کہا کہ کیا دوسرے ممالک بھی ایسا ہی کریں گے۔ اگرچہ سلوواکیہ نے کہا ہے کہ وہ بھی اپنے کچھ مگز یوکرین بھیجے گا۔ جبکہ یوکرینکے صدر وولودیمیر زیلینسکی نے مغربی ممالک سے نئے جنگی طیاروں اور دیگر ساز و سامان کی اپیل کی ہے۔ یاد رہے کہ نیٹو اتحادیوں کی طرف سے یوکرین کو لڑاکا طیارے دینے میں اب تک ہچکچاہٹ کا اظہار کیا جاتا رہا ہے۔
پولینڈ کے رہنما نے گزشتہ ہفتے کہا تھا کہ جنگی طیارے بھیجنے کا عمل صرف ایک بڑے بین الاقوامی اتحاد کے اندر ہی کیا جائے گا۔ ساتھ ہی سلوواکیہ نے کییف کو بھی اپنے مگ 29 طیارے فراہم کرنے کی تیاری کا اعلان کیا۔ پولش وزیر اعظم میٹیوز موراویکی نے منگل کے روز اپنے بیان میں عندیہ دیا تھا کہ وارسا چند ہفتوں کے اندر اندر اپنے مگ طیارے کییف بھیج سکتا ہے، لیکن انہوں نے یہ واضح نہیں کیا کہ آیا مغربی دفاعی اتحاد کے کسی دوسرے رکن ملک کی طرف سے اس کی پیروی کرنے کے لیے تیار ہے۔
یوکرین کی فضائیہ مگ طیاروں سے واقف ہے اور فوری طور پر ان طیاروں کو استعمال کر سکتی ہے۔
کییف روس کے ساتھ جنگ کے دوسرے سال میں داخل ہونے کے ساتھ ہی اپنی فضائی طاقت کو بڑھانے کے لیے لڑاکا طیاروں کا مطالبہ کر رہا ہے، لیکن ابھی تک ایسی کوئی علامات نظر نہیں آرہی ہیں کہ امریکہ یا برطانیہ جنگی طیارے بھیجیں گے۔
