کوئٹہ (ڈیلی اردو) صوبہ بلوچستان کے ضلع کیچ میں حکام کا کہنا ہے کہ دو افراد کی لاشیں ملی ہیں جنھیں گولیاں مار کر ہلاک کیا گیا ہے۔
لیویز حکام کے مطابق یہ لاشیں بدھ کی صبح کیچ کے نواحی علاقے کوالوہ ڈانڈار جت کے مقام سے ملی ہیں۔
لیویز فورس نے لاشوں کو تحویل میں لے کر ٹیچنگ ہسپتال تربت منتقل کردیا ہے۔ جہاں دونوں کی شناخت ناصر ولد خدا داد سکنہ ڈن سر شاپک اور صدیر ولد میار سکنہ تنزلہ کے ناموں سے ہوئیں ہیں۔
لیویز کا کہنا ہے دونوں کو گولیاں مار کر ہلاک کیا گیا ہے۔ تاحال ان افراد کے قتل کے محرکات معلوم نہیں ہو سکے۔
