اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں سیکورٹی فورسز کی کارروائی میں کالعدم تنظیم کا اہم کمانڈر ہلاک ہوگیا۔
شمالی وزیرستان کی تحصیل میر علی میں سیکیورٹی فورسز نے ایک کارروائی کے دوران خودکش حملوں کا ماسٹر مائنڈ اور تحریک طالبان پاکستان کا انتہائی مطلوب کمانڈر صدام عرف لنگڑا کو ہلاک کردیا۔#TTP #MirAli #NorthWaziristan #Pakistan
— Shabbir Hussain Turi (@ShabbirTuri) May 11, 2023
سرکاری ذرائع کے مطابق تحصیل میر علی میں انٹیلی جنس معلومات کی بنیاد پر خفیہ آپریشن کیا جس کے نتیجے میں خودکش حملوں کا ماسٹر مائنڈ اور تحریک طالبان پاکستان کا انتہائی مطلوب کمانڈر صدام عرف لنگڑا ہلاک ہوگیا۔
سرکاری ذرائع کے مطابق سکیورٹی فورسز نے مقامی ہوٹل کا محاصرہ کیا جہاں صدام لنگڑا موجود تھا اور شدید فائرنگ کے تبادلے کے بعد جوابی کارروائی میں مارا گیا۔
ہلاک ہونے والا دہشت گرد سیکیورٹی فورسز کے خلاف دہشت گردی کی کارروائیوں کے ساتھ ساتھ عام شہریوں کے قتل عام میں ملوث تھا۔