پشاور (ڈیلی اردو) پشاور میں پولیس لائنز مسجد دھماکے میں زخمی ڈی ایس پی فضل الرحمان دم توڑ گیا۔
پولیس کے مطابق 30 جنوری کو پشاور میں پولیس لائنز کے مسجد دھماکے میں ہونے والے خودکش حملے میں ڈی ایس پی فضل الرحمان بھی زخمی ہوا تھا جو کہ لیڈی ریڈنگ اسپتال میں زیر علاج تھا تاہم وہ جانبر نہ ہوسکا۔
پولیس حکام کے مطابق فضل الرحمان ڈی ایس پی انوسٹی گیشن صدر سرکل میں تعینات تھا۔
ڈی ایس پی فضل الرحمان کا تعلق مردان کے علاقہ منگا درگئی سے ہے۔
ڈی ایس پی کے ہلاکت کے بعد پولیس لائنز مسجد کےدھماکے میں ہلاکتوں کی تعداد 86 ہوگئی۔
پولیس لائنز کی مسجد میں دھماکا 30 جنوری کو ہوا تھا جس کے نتیجے میں ابتدائی طور پر پولیس اہلکاروں سمیت 80 سے زائد افراد ہلاک جبکہ 140 زخمی ہوئے تھے۔
