سکھر (ڈیلی اردو)سکھر پولیس نے پاک انڈیا بارڈر کے قریب کارروائی کرتے ہوئے کالعدم تنظیم بلوچ ریپبلکن آرمی کا دہشتگرد گرفتار کرلیا، جبکہ دیگر چار دہشتگرد فرار ہوگئے۔
تفصیلات کے مطابق صوبہ سندھ کے ضلع سکھر کی پولیس نے صالح پٹ میں پاک بھارت بارڈر کے قریب کارروائی کرتے ہوئے کالعدم تنظیم کے ایک دہشتگرد کو گرفتار کر لیا، جبکہ اس کے چار ساتھی فرار ہونے میں کامیاب ہوگئے۔
پولیس حکام کے مطابق دہشت گرد کے قبضے سے 10 کلوگرام دھماکا خیزمواد اور اسلحہ برآمد ہوا ہے۔
حکام کا کہنا ہے کہ کالعدم تنظیم کے فرار ہونے والے 4 دہشت گردوں کی تلاش جاری ہے۔
