کوئٹہ (ڈیلی اردو) صوبہ بلوچستان کے ضلع مستونگ کے علاقے میں پولیو ٹیم پر فائرنگ کے نتیجے میں سیکیورٹی پرمامور پولیس اہلکار ہلاک ہوگیا۔
تفصیلات کے مطابق مستونگ کے نواحی علاقہ کلی کاریز سور میں پولیو ٹیم کی سکیورٹی پر مامور پولیس اہلکاروں پر حملے کے نتیجے میں شہزاد احمد نامی اہلکار ہلاک ہوگیا۔
فائرنگ کے واقعے میں انسداد پولیو ٹیم محفوظ رہی۔ پولیس اور سیکیورٹی فورسز نے حملہ آوروں کی گرفتاری کیلئے سرچ آپریشن شروع کردیا ہے۔
مذکورہ واقعے سے پہلے بھی انسداد پولیو ٹیم پرفائرنگ کے متعدد واقعات پیش آچکے ہیں۔
اس قبل خیبرپختونخوا میں انسدادِ پولیو مُہم سیکیورٹی خدشات کی باعث ملتوی کردی گئی تھی۔
حکام کا کہنا ہے کہ مہم کے دروان 35 لاکھ بچوں کا ہدف مقرر کیا گیا تھا لیکن مہم اب 22 مئی سے شروع ہوگی۔
