188

پنجاب اسمبلی: بلاول بھٹو کو غدار وطن قرار دینے کے مطالبے کی قرارداد جمع

لاہور (ڈیلی اردو) پنجاب اسمبلی میں پاکستان پیپلزپارٹی کے چیئرمین بلاول بھٹو زرداری کو غدار وطن قرار دینے کے مطالبے کی قرارداد جمع کرادی گئی۔

تحریک انصاف پیپلزپارٹی کے چیئرمین بلاول بھٹو زرداری کے خلاف کھل کر میدان میں آگئی۔ پنجاب اسمبلی میں پی پی پی کے چیئرمین بلاول بھٹو زرداری کوغدار وطن قرار دینے کے مطالبے کی قرارداد جمع کرادی گئی۔ تحریک انصاف کی رکن پنجاب اسمبلی سیمابیہ طاہر کی جانب سے قرارداد جمع کرائی گئی۔

قرارداد کے متن کے مطابق پنجاب اسمبلی کے ایوان کی رائے ہے کہ کالعدم تنظیموں کے حوالے سے بلاول بھٹو کا بیان پاکستان کی مخالفت اورمودی سرکارکی حمایت میں ہے۔ اس ایوان کی یہ رائے ہے کہ پاکستان پُرامن ملک ہے اوراس کے ادارے اپنے اندرونی وبیرونی معاملات کوہرسطح پر بحسن و خوبی دیکھ رہے ہیں۔

قرارداد میں وفاقی حکومت سے مطالبہ کیا گیا ہے کہ بلاول بھٹو کو غدار وطن قرار دیا جائے اور ان کے خلاف غداری کا مقدمہ درج کر کے بھرپور کارروائی کی جائے۔

اس خبر پر اپنی رائے کا اظہار کریں

اپنا تبصرہ بھیجیں