خیبر: وادی تیراہ حملے میں زخمی پولیس اہلکار طیب آفریدی دم توڑ گیا

باڑہ (نمائندہ ڈیلی اردو) صوبہ خیبر پختونخوا کے قبائلی ضلع خیبر کے دور افتادہ علاقےوادی تیراہ میں گزشتہ دنوں پولیو ڈیوٹی پر معمور پولیس اہلکاروں پر دہشت گردوں کی فائرنگ سے تین زخمی اہلکار میں سے ایک چل بسا۔

تفصیلات کے مطابق وادی تیراہ کے علاقہ میر درہ میں پولیو ٹیم کے ساتھ ڈیوٹی سرانجام دینے والے پولیس اہلکاروں پر دہشت گردوں کی فائرنگ سے شدید زخمی ہونے والے اہلکار طیب آفریدی اج ہسپتال میں زخمی کی تاب نہ لاتے ہوئے اپنی خالق حقیقی سے جاملا۔مرحوم کا تعلق قبیلہ ملک دین خیل سے تھا.

مرحوم طیب آفریدی کی نماز جنازہ آج شام بمقام گل خان بابا قبرستان کراوال ملک دین خیل میں ادا کر دی گئی۔

واضح رہے کہ اس حملے کی ذمہ داری کالعدم تنظیم تحریک طالبان پاکستان نے قبول کرلی۔

اپنا تبصرہ بھیجیں