پشاور (نمائندہ ڈیلی اردو) صوبہ خیبر پختونخوا کے ضلع دیربالا میں حکام کا کہنا ہے کہ سکیورٹی فورسز پر ہونے والے ایک ریموٹ کنٹرول بم حملے میں ایک اہلکار ہلاک اور دو زخمی ہوگئے ہیں۔
One soldier killed and two others wounded in an IED attack in Upper Dir. #Pakistan https://t.co/fFqmXG8sSc
— FJ (@Natsecjeff) June 4, 2023
سیکورٹی حکام نے ڈیلی اردو کو بتایا کہ یہ واقعہ اتوار کی شام دیر بالا کے دور افتادہ علاقے براول کے مقام پر پیش آیا۔
سیکورٹی حکام نے کہا کہ فرنٹیئر کور کے اہلکار گشت کرکے اپنے پوسٹ کی طرف جارہے تھے کہ اس دوران انھیں سڑک کے کنارے ریموٹ کنٹرول بم دھماکے کا نشانہ بنایا گیا۔ ان کے مطابق دھماکے میں ایک اہلکار موقع پر ہلاک ہوگیا جبکہ دو اہلکار ہلاک ہوگئے ہیں۔
حکام کے مطابق دھماکے کے بعد سکیورٹی فورسز کی بھاری نفری جائے وقوعہ پہنچ گئی اور سارے علاقے کو گھیرے میں بڑے پیمانے پر سرچ آپریشن کا آغاز کردیا۔
ادھر کالعدم تنظیم تحریک طالبان پاکستان نے اس حملے کی ذمہ داری قبول کی ہے۔
