کشمور (ڈیلی اردو) صوبہ سندھ کے ضلع کشمور میں بارودی سرنگ پھٹنے سے دھماکہ ہوا ہے جس کے نتیجے میں ایک بچی موقع پر ہلاک جبکہ دو افراد زخمی ہوئے ہیں۔
ریسکیو کے مطابق بخشاپور کے نواحی گاؤں قیصر خان جکھرانی میں اچانک بارودی سرنگ پھٹ گئی جس کے نتیجے میں ایک بچی موقع پر ہی دم توڑ گئی جبکہ 2 افراد زخمی ہوئے ہیں۔
واقعے کی اطلاع ملتے ہی پولیس اور ریسکیو ٹیمیں موقع پر پہنچ گئیں اور زخمی وجاں بحق افراد کو ہسپتال منتقل کردیا۔
پولیس کے مطابق واقعہ قبائل کے درمیان دیرینہ تنازع کے باعث پیش آیا ہے۔
