پشاور (نمائندہ ڈیلی اردو/ٹی این این) صوبہ خیبر پختونخوا کے قبائلی ضلع شمالی وزیرستان میں سیکیورٹی فورسز اور دہشتگردوں کے درمیان جھڑپ کے نتیجے میں 3اہلکار ہلاک اور 8 زخمی ہوگئے۔
شمالی وزیرستان کے علاقے غلام خان میں دہشت گردوں نے خڑ ورسک چیک پوسٹ پر حملہ، سرکاری ذرائع کے مطابق حملے میں سیکورٹی فورسز کے 3 اہلکار ہلاک اور 8 زخمی ہوگئے۔ جبکہ فورسز کی جوابی کارروائی میں 4 دہشت گرد بھی مارے گئے۔#NorthWaziristan #Pakistan
— Shabbir Hussain Turi (@ShabbirTuri) June 10, 2023
سرکاری ذرائع کے مطابق تحصیل غلام خان کے علاقے تبی ٹول خیل میں سیکیورٹی فورسز پر دہشتگردوں نے حملہ کیا ہے۔
سرکاری ذرائع کا کہنا ہے دہشتگردوں نے خڑ ورسک سیکیورٹی چک پوسٹ کو نشانہ بنایا۔ سرکاری ذرائع کا مزید کہنا ہے کہ حملے میں 3سیکیورٹی اہلکار ہلاک جبکہ 8 زخمی ہوگئے۔
ہلاک ہونے والوں میں صوبیدار اصغر، لانس نائیک نسیم اور سپاہی زمان شامل ہیں۔ زخمیوں میں نائیک جمیل، نائیک محبت، نائیک وحید، سپاہی سلیمان، سپاہی کامران، سپاہی اورنگزیب، سپاہی سیف اللہ اور سپاہی عمر شاہ شامل ہیں جن کو سی ایم ایچ ہسپتال منتقل کردیا گیا ہے۔
سیکیورٹی فورسز کی جوابی کارروائی میں 4 دہشت گرد بھی مارے گئے۔ واقعے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کردیا۔
ادھر اس حملے کی ذمہ داری کالعدم تنظیم تحریک طالبان پاکستان نے قبول کرلی۔