کوئٹہ (ڈیلی اردو) صوبہ بلوچستان کے ضلع پنجگور میں سی پیک روٹ پر ریموٹ کنٹرول دھماکا ہوا ہے۔
ذرائع کے مطابق پنجگور سی پیک روڑ شاہو کہن میں کجھور فیکٹری کے ایریا میں ریمورٹ کنٹرول بم دھماکا اُس وقت ہوا جب سیکیورٹی فورسز کا قافلہ علاقے سے گزر رہا تھا۔
لیویز ذرائع کے مطابق دھماکے کے بعد سیکیورٹی فورسز نے علاقے کو گھیرے میں لے لیا جہاں سے شواہد اکھٹے کیے جارہے ہیں جبکہ دھماکے کے نتیجے میں کوئی جانی نقصان نہیں ہوا۔
سیکیورٹی فورسز نے علاقے کو گھیرے میں لینے کے ساتھ دہشت گردوں کی تلاش کے لیے سرچ آپریشن بھی شروع کردیا ہے، آخری اطلاع آنے تک کسی بھی گروپ نے واقعے کی ذمہ داری قبول نہیں کی تھی۔
