279

کراچی میں شیعہ ٹارگٹ کلنگ پھر شروع، وجاہت عباس گھر کی دہلیز پر قتل

کراچی (ڈیلی اردو) کراچی میں ایک بار پھر سے شیعہ ٹارگٹ کلنگ کا سلسلہ شروع ہو گیا ہے۔ آج دوپہر اورنگی ٹاون میں گھر کے باہر شیعہ نوجوان وجاہت عباس کو فائرنگ کر کے شہید کر دیا گیا۔ مجلس وحدت المسلمین کے مطابق وجاہت عباس کو اونگی ٹاون کے سیکٹر ای 9 میں دہشت گردوں نے گولیوں کا نشانہ بنایا۔ 27 سالہ وجاہت عباس جیسے ہی گھر سے نکلا اسے ٹارگٹ کیا گیا۔

ترجمان ایم ڈبلیو ایم کا کہنا ہے کہ وجاہت عباس معروف مذہبی شخصیت عمران شاہ کے بیٹے ہیں۔ عمران شاہ اونگی ٹاون میں جلوس کے بانی بھی ہیں۔ اس سے پہلے بھی مجالس اور جلوسوں کے کئی بانی دہشت گردی میں شہید کیے جا چکے ہیں۔

ترجمان کا کہنا ہے کہ دو روز میں دہشت گردی کے واقعات نے قانون نافذ کرنے والے اداروں کی کارکردگی پر سوالیہ نشان لگا دیا ہے۔ انہوں نے وجاہت عباس کے قاتلوں کی فوری گرفتاری کا مطالبہ کیا ہے۔

اس خبر پر اپنی رائے کا اظہار کریں

اپنا تبصرہ بھیجیں