میران شاہ (نمائندہ ڈیلی اردو) شمالی وزیرستان کی تحصیل میر علی کے گاوں عیدک میں لینڈ مائن کا ایک زور دار دھماکہ ہوا ہے جس کے نتیجے میں دو بچوں سمیت تین افراد زخمی ہوگئے۔
شمالی وزیرستان کی تحصیل میر علی کے گاوں عیدک میں لینڈ مائن کا ایک زور دار دھماکہ ہوا ہے جس کے نتیجے میں تین بچے زخمی ہوگئے۔ زخمیوں کو فوری طور پر ہسپتال منتقل کر دئے گئے۔#IED #NorthWaziristan #Pakistan
— Shabbir Hussain Turi (@ShabbirTuri) June 19, 2023
سرکاری ذرائع کے مطابق شمالی وزیرستان کی تحصیل میر علی میں لینڈ مائن زوردار دھماکے سے پھٹنے کے نتیجے میں دو بچوں سمیت تین افراد زخمی ہوئے، زخمی ہونے والوں میں سے فاہد نور ولد نور زمان، نور زمان کی چھوٹی بہن اور نور زمان کی ماں شامل ہیں۔
زخمیوں کو فوری طور پر خلیفہ گل نواز ہسپتال بنوں منتقل کر دئے گئے۔
مقامی افراد کے مطابق یہاں بارودی سرنگوں کا پھٹنا اور لوگوں کا معذور ہونا اب معمول ہے اور اکثر یہ واقعات رپورٹ ہی نہیں ہوتے۔ جبکہ یہ خطرہ اس قدر شدت اختیار کر گیا ہے کہ لوگ مخصوص گزرگاہوں اور سڑکوں کے علاوہ دیگر راستے اختیار کرنے سے گریز کرتے ہیں۔
حکام کے مطابق ان روایتی اور غیر روایتی بارودی سرنگوں کا شکار ہونے والوں میں بڑی تعداد عورتوں اور بچوں کی ہے۔