حیدر آباد (ڈیلی اردو) صوبہ سندھ کے ضلع حیدر آباد میں انسداد دہشت گردی ڈیپارٹمنٹ ( سی ٹی ڈی ) نے کارروائی کرتے ہوئے کالعدم تنظیم کا دہشت گرد ہالار چانگ کوگرفتار کر لیا۔
سی ٹی ڈی حکام کے مطابق ملزم کاتعلق کالعدم تنظیم سندھو دیش ریولیشنری آرمی (ایس آر اے) سے ہے۔
سی ٹی ڈی ترجمان کے مطابق گرفتار کئے جانے والے دہشت گرد کا ایک ساتھی اندھیرے کا فائدہ اٹھاتے ہوئے فرار ہوگیا جس کی گرفتاری کے لئے علاقے میں ناکہ بندی کر کے سرچ آپریشن کا آغاز کر دیا گیا ہے۔
ترجمان نے بتایا کہ گرفتار دہشت گرد نے 23 مارچ 2023 کو بھولاری ریلوے ٹریک پر دھماکہ کیا تھا۔
ترجمان نے مزید بتایا کہ دہشت گرد کے قبضے سے بارودی مواد اور دستی بم برآمد کر کے مقدمہ درج کر لیا گیا ہے اور تفتیش کا عمل جاری ہے۔
