لاہور (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) نے دہشت گردی کے خدشات کے پیش نظر بڑی کارروائیوں میں کالعدم تنظیم کے چار دہشت گرد گرفتار کرلیے۔
سی ٹی ڈی پنجاب نے شیخوپورہ، سرگودھا، ساہیوال اور راولپنڈی میں کارروائیاں کرتے ہوئے کالعدم تنظیم تحریک طالبان پاکستان کے 4 دہشت گردوں کو گرفتار کر لیا، دہشت گردوں کے قبضے سے بارودی مواد، ڈیٹو نیٹرز، فون اور دیگر سامان برآمد#CTD #TTP #Punjab #Pakistan
— Shabbir Hussain Turi (@ShabbirTuri) June 21, 2023
ترجمان سی ٹی ڈی کے مطابق دہشت گردوں کی گرفتاری شیخوپورہ، سرگودھا، ساہیوال اور راولپنڈی سے عمل میں لائی گئی ہے، گرفتار دہشت گردوں کا تعلق کالعدم تنظیم تحریک طالبان پاکستان سے ہے، دہشت گردوں کے قبضے سے بارودی مواد، ڈیٹو نیٹرز، فون اور نقدی برآمد کی گئی ہے۔
سی ٹی ڈی حکام کا کہنا ہے کہ گرفتار دہشت گردوں کی شناحت زاہد، نعمت، زبیر اور عبدالغفور کے نام سے ہوئی ہے، دہشت گردوں کے خلاف چار مقدمات درج کر کے مزید تفتیش جاری ہے۔
حکام کے مطابق رواں ہفتے 166 کومبنگ آپریشنز کے دوران 22 مشتبہ افراد گرفتار کیے گئے، کومبنگ آپریشنز میں 8218 افراد سے پوچھ گچھ کی گئی ہے۔
حکام نے مزید کہا کہ سی ٹی ڈی محفوظ پنجاب کے ہدف پر عمل پیرا ہے، دہشت گردی کے ناسور کو جڑ سے اکھاڑ پھینکنے کے لیے پرعزم ہیں۔