اسلام آباد (ش ح ط) صوبہ خیبر پختونخوا کے قبائلی ضلع باجوڑ میں نامعلوم موٹر سائیکل سواروں کی فائرنگ سے دو کار سوار ہلاک ہوگئے۔ بتایا گیا ہے کہ عنایت کلے بازار میں میں نامعلوم موٹرسائیکل سواروں نے ایک کار پر فائرنگ کی جس سے دونوں موقع پر ہی ہلاک ہوگئے۔ جبکہ ایک شدید زخمی ہوگیا۔
Two mullahs killed and one injured in a gun attack in Bajaur. #Pakistan https://t.co/Mm0uZqSxS9
— FJ (@Natsecjeff) June 22, 2023
پولیس کے مطابق ہلاک ہونے والوں کی شناخت مولانا نور محمد اور انکے چھوٹے بھائی زبیر کے نام سے ہوئی ہے۔ جبکہ قاری سراج شدید زخمی ہوگیا۔
واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور لاشوں اور زخمی کو ڈسٹرکٹ ہیڈکوارٹر ہسپتال خار منتقل کردیا۔ واقعہ کے بعد ملزمان فرار ہونے میں کامیاب ہوگئے۔
مقامی صحافی بلال یاسر کے مطابق مولانا نور محمد عنایت کلے بازار میں کارپٹ کا کاروبار کرتے تھے۔ تنظیمی تعلق جمعیت علمائے اسلام سے تھا مگر وہ سیاست میں زیادہ سرگرم نہیں تھے۔
مولانا نور محمد عنایت کلے بازار میں کارپٹ کا کاروبار کرتے تھے ۔ تنظیمی تعلق جمعیت علمائے اسلام سے تھا مگر وہ سیاست میں زیادہ سرگرم نہیں تھے۔ مقامی ذرائع@TNNEnglish @BBCUrdu
— Bilal Yasir (@BilalYasirBjr) June 22, 2023
پولیس حکام کے مطابق ابتدائی تحقیقات میں واقعہ ٹارگٹ کلنگ معلوم ہوتا ہے۔
