پشاور (ڈیلی اردو) صوبہ خیبرپختونخوا کے ضلع بنوں میں نامعلوم افراد نے ایک گھر پر دستی بموں سے حملہ کردیا۔
تھانہ میرا خیل کی حدود میں شہری کے گھر پر دو دستی بموں سے حملہ کیا گیا۔ حملے میں ایک شخص ہلاک اور گیارہ افراد زخمی ہو گئے۔
پولیس کے مطابق دستی بم حملے میں لاش اور زخمیوں کو ڈسٹرکٹ ہسپتال منتقل کیاگیا۔
دستی بم حملے کے بعد علاقے میں خوف و ہراس پھیل گیا، دھماکوں کی آواز دور تک سنی گئی۔
تھانہ میرا خیل کی حدود میں ہونے والے دستی بم حملے کے بعد فوراً بعد پولیس کی نفری متاثرہ مکان پر پہنچی اور امدادی سرگرمیوں کے بعد تحقیقات کا آغاز کردیا۔
