مردان (نمائندہ ڈیلی اردو) صوبہ خیبر پختونخوا کے ضلع مردان میں نامعلوم موٹر سائیکل سواروں کی فاِرنگ سے ایک پولیس ہلاک جبکہ دوسرا شدید زخمی ہوگیا۔
تفصیلات کے مطابق مردان کے علاقے تخت بھائی میں نامعلوم موٹر سائیکل سواروں کی فاِرنگ سے پولیس کانسٹیبل فاروق خان ہلاک جبکہ کانسٹیبل ماجد شدید زخمی ہوگئے۔ ذرائع کے مطابق پولیس کی جوابی فائرنگ سے ایک حملہ آور بھی مارا گیا جبکہ دوسرا فرار ہونے میں کامیاب ہوگیا۔
واقعے کے فوری بعد پولیس نے علاقے کو گھیرے میں لیتے ہوئے سرچ آپریشن شروع کر دیا۔
