186

سانحہ کرائسٹ چرچ: شہید سید اریب احمد کی میت آج صبح کراچی پہنچے گی

کراچی (ڈیلی اردو) کرائسٹ چرچ میں شہید سید اریب احمد کی میت آج صبح کراچی پہنچے گی، شہید کی نماز جنازہ تدفین آج دوپہر کو مقامی قبرستان میں کی جائے گی۔

تفصیلات کے مطابق کراچی کے علاقے فیڈرل بی ایریا سے تعلق رکھنے والے سید اریب احمد جو گزشتہ دنوں سانحہ کرائسٹ چرچ میں شہید ہوگئے تھے ان کی میت آج صبح کراچی پہنچے گی۔

اریب کا جسد خاکی آج صبح ساڑھے10بجے پرواز ای کے600 سے کراچی لایا جائے گا، شہید اریب کا جسد خاکی ایئرپورٹ سے ان کی رہائش گاہ ایف بی ایریا پہنچایا جائے گا۔

اریب کی نمازہ جنازہ آج سہ پہر 3 بجے دستگیر نمبر نو میں ادا کی جائے گی، شہید سید اریب کی تدفین سخی حسن قبرستان میں کی جائے گی۔

کراچی سے نیوزی لینڈ جانے والے سید اریب احمد کے بارے میں ان کے ایک رشتے دار محمد مظفر نے بتایا کہ’وہ ہمیشہ سے ایک دین دار لڑکا تھا، نماز کی پابندی کرتا اور پڑھائی اس کے لیے پہلی ترجیح تھی۔

اریب نے حال ہی میں چارٹرڈ اکاؤنٹنٹ کے طور پر اپنی تعلیم مکمل کی تھی اور اس کے بعد بہتر مستقبل کی تلاش میں نیوزی لینڈ روانہ ہوئے وہ اپنے والدین کے ایک ہی بیٹے تھے اور ان کی ایک چھوٹی بہن ہیں۔

اس خبر پر اپنی رائے کا اظہار کریں

اپنا تبصرہ بھیجیں