غزہ (ڈیلی اردو) مغربی کنارے میں ایک تیز رفتار ٹرک نے چیک پوسٹ پر اسرائیلی فوجیوں کو کچل ڈالا جس کے نتیجے میں ایک اہلکار موقع پر ہی ہلاک ہوگیا جب کہ دو اہلکاروں کی حالت تشویشناک بتائی جاتی ہے۔
عالمی خبر رساں ادارے کے مطابق مغربی کنارے کی سرحد پر بنی چیک پوسٹ پر اسرائیلی فوجیوں نے ایک ٹرک کو رکنے کا اشارہ کیا لیکن ٹرک رکنے کے بجائے انھیں کچلتے ہوئے گزر گیا۔
اسرائیلی فوج کے ترجمان نے 1 اہلکار کی ہلاکت اور 2 کے شدید زخمی ہونے کی تصدیق کرتے ہوئے بتایا کہ ٹرک ڈرائیور کو تعاقب کے بعد گرفتار کرنے کی کوشش کی لیکن اس نے مزاحمت کی۔
اسرائیلی فوج کے ترجمان کے مطابق ٹرک ڈرائیور کی مزاحمت پر فوج کو اپنے دفاع میں فائرنگ کرنا پڑی جس کے نتیجے میں 41 سالہ فلسطینی ٹرک ڈرائیور بھی ہلاک ہوگیا۔
3 IDF soldiers were injured as the result of a ramming attack a short while ago. The assailant drove his truck toward the Hashmona'im Crossing and was neutralized by MOD security personnel.
1 of the soldiers was moderately injured, and the other 2 were lightly injured. Their… pic.twitter.com/jzhoow8ytC
— Israel Defense Forces (@IDF) August 31, 2023
41 سالہ فلسطینی ٹرک ڈرائیور کی شناخت ظاہر نہیں کی گئی۔ جو اسرائیل میں کام کرنے کا پرمٹ بھی رکھتا تھا اور فلسطین سے اسرائیل تجارتی سامان کی ترسیل کیا کرتا تھا۔
واضح رہے کہ فلسطین میں رواں برس 250 سے زائد نوجوان اسرائیلی جارحیت میں ہلاک ہوگئے جب کہ 28 اسرائیلی بھی مارے گئے۔