ریاض (ڈیلی اردو) سانحہ کرائسٹ چرچ میں شہید ہونے والوں کے ورثاء کے لیے سعودی شہزادہ ولید بن طلال نے دس لاکھ ڈالر امداد کا اعلان کیا ہے۔
عرب میڈیا کے مطابق سعودی شہزادے ولید بن طلال نے سانحہ کرائسٹ میں شہید ہونے والوں کے ورثا کے لیے دس لاکھ ڈالر امداد کا اعلان کیا ہے، یہ بات الولید برائے انسانی امداد نے سماجی رابطے کی ویب سائٹ ٹویٹر پر کہی۔
ما حدث بنيوزيلندا لا يقبله لا عقل ولا دين، فأن نقف ضد الإرهاب هو واجبنا جميعاً
Terrorism is against every religion and all logic. To counter it is incumbent upon us all https://t.co/57sCpTQxUo
— الوليد بن طلال (@Alwaleed_Talal) March 21, 2019
شہزادہ ولید بن طلال نے امدادی رقم کا اعلان کے ساتھ لواحقین سے اظہار تعزیت اور ان شہدا کے بلند درجات کے لیے دعا کی۔
واضح رہے کہ دنیا بھر سے سانحہ کرائسٹ چرچ سانحہ کے بعد سے مسلمانوں کے ساتھ اظہار یکجہتی کا سلسلہ جاری ہے، دو روز قبل پیرس کے ایفل ٹاور کی بتیاں بھی وقت سے پہلے بجھا دی گئی تھیں۔
یاد رہے کہ 15 مارچ جمعہ کے روز نیوزی لینڈ کے شہر کرائسٹ چرچ کے جنوبی جزیرے پر موجود مسجد النور میں ایک سفید فام شخص داخل ہوا اور اندھا دھند فائرنگ کردی جس کے نتیجے میں 50 نمازی شہید اور متعدد زخمی ہوگئے تھے۔
نیوزی لینڈ کی وزیراعظم جسینڈا آرڈرن نے شہداء کے اہل خانہ سے مل کر اظہار ہمدردی کیا اور پوری دنیا میں شہداء کے ساتھ اظہار یکجہتی کیا گیا، برج خلیفہ پر بھی جسنیڈا آرڈرن کی تصویر لگا کر انہیں خراج تحسین پیش کیا گیا۔
خیال رہے کہ سانحہ کرائسٹ چرچ میں شہید اردن کے شہری کی والدہ بیٹے کی جدائی کا غم برداشت نہیں کرسکی تھیں اور دل کا دورہ پڑنے سے انتقال کرگئی تھیں۔
