باڑہ + میرانشاہ (نمائندگان ڈیلی اردو) صوبہ خیبر پختونخوا کے قبائلی اضلاع میں نامعلوم افراد کی فائرنگ سے دو مختلف واقعات میں دو افراد ہلاک ہوگئے۔
ضلع خیبر کی تحصیل باڑہ کے علاقے شنکو بر قمبر خیل میں نامعلوم موٹر سائیکل سواروں کی فائرنگ سے جان محمد نامی شخص ہلاک ہوگیا۔
فائرنگ کا دوسرا واقعہ شمالی وزیرستان کے علاقے خیسور میں پیش آیا جس میں نامعلوم افراد کی فائرنگ سے پوسٹ گریجویٹ کالج میرانشاہ کے سابق صدر خان دراز وزیر ہلاک ہوگئے۔
پولیس کی اب تک کی تفتیش کے مطابق دونوں واقعات میں مقتولین کو 30 بور پستول سے نشانہ بنایا گیا، جبکہ واقعے کے بعد موٹر سائیکل سوار حملہ آور جائے وقوعہ سے فرار ہو گئے تھے۔
