اسلام آباد (ڈیلی اردو) صوبہ خیبر پختونخوا کے قبائلی ضلع شمالی وزیرستان میں دہشت گردوں کے حملے میں سیکورٹی فورسز کے دو اہلکار زخمی ہوگئے۔
شمالی وزیرستان کی تحصیل میرعلی کے نواحی گاؤں حسو خیل میں دہشت گردوں کے حملے میں سیکورٹی فورسز کے دو اہلکار زخمی ہوگئے۔ دریں اثنا، کالعدم تحریک طالبان پاکستان نے اس حملے کی ذمہ داری قبول کی ہے۔#NorthWaziristan #Pakistan
— Shabbir Hussain Turi (@ShabbirTuri) September 18, 2023
سرکاری ذرائع کے مطابق شمالی وزیرستان کی تحصیل میر علی کے نواحی گاؤں حسو خیل میں دہشت گردوں نے سیکورٹی فورسز کے چیک پوسٹ پر حملہ کیا جس کے نتیجے میں دو اہلکار زخمی ہوگئے۔
حکام کے مطابق زخمیوں کو طبی امداد کے لیے ہسپتال منتقل کیا گیا۔
حکام نے بتایا کہ سیکورٹی فورسز نے علاقے میں سرچ آپریشن شروع کر دیا ہے۔
دریں اثنا، کالعدم تحریک طالبان پاکستان نے ایک بیان میں حملے کی ذمہ داری قبول کی ہے۔
