کوئٹہ (ڈیلی اردو) صوبہ بلوچستان کے ضلع کوہلو میں لیویز فورس نے کارروائی کرتے ہوئے دہشت گردوں کے کمپاؤنڈ سے بھاری مقدار میں اسلحہ و گولہ بارود برآمد کرلیا۔
لیویز حکام کے مطابق لیویز کیو آر ایف فورس نے کوہلو کی تحصیل کاہان میں کارروائی کی، یہ کارروائی 11 گھنٹوں تک جاری رہی جس میں 40 سے زائد لیویز افسران و اہلکاروں نے شرکت کی۔
حکام کے مطابق کارروائی کے دوران دہشت گردوں کے کمپاؤنڈ سے 3 اینٹی ٹینک مائنز، 8 اے پی ایمز، 2 اے پی ایم ، 4 آر پی جی 7، 4 بی ایم 12 میزائل، 5 ہینڈ گرنیڈ اور ایک کلو دھماکا خیز مواد برآمد کیا گیا جب کہ اس دوران 7۔12 گن بھی برآمد ہوئی۔
