چارسدہ (ڈیلی اردو) صوبہ خیبر پختونخوا کے ضلع چارسدہ میں نامعلوم افراد کی فائرنگ سے محکمہ ایریگیشن کا اہلکار ہلاک ہوگیا ہے۔
پولیس کے مطابق محکمہ ایریگیشن کا اہلکار شعیب عمر بازار میں سودا سلف خرید رہا تھا کہ نامعلوم مسلح افراد نے گولی مار کر ہلاک کردیا۔
پولیس حکام کا کہنا ہے کہا کہ بظاہر لگتا ہے کہ حملہ آور موٹر سائیکل پر سوار تھے اور واردات کے بعد فرار ہونے میں کامیاب ہو گئے۔
پولیس نے لاش کو تحویل میں لیکر پوسٹ مارٹم کیلئے ہسپتال منتقل کردیا جبکہ حملہ آور کی گرفتار کے لیے کارووائی کا آغاز کردیا گیا۔
