ڈی آئی خان (ڈیلی اردو) صوبہ خیبر پختونخوا کے ضلع ڈیرہ اسماعیل خان کی تحصیل کلاچی کے علاقہ روڑی میں پولیس چیک پوسٹ پر دہشت گردوں نے حملہ کرتے ہوئے فائرنگ کی۔
پولیس نے بھی جوابی فائرنگ کی، فائرنگ کا سلسلہ 20 منٹ تک جاری رہا۔ اور پھر دہشت گرد بھاگ گئے۔
دہشت گردوں کی فائرنگ میں ایکس سروس مین میر سلیم زخمی ہوا۔
واضح رہے کہ اس علاقہ میں کالعدم تحریک طالبان پاکستان کا ہارون ضرار گروپ کے سب کمانڈر ذکی گروپ سرگرم ہیں۔
پولیس چیک پوسٹ پر حملے کے بعد کلاچی اور تحصیل درابن سے پولیس کی بھاری نفری روڑی طلب کی گئی۔
