ٹانک (ڈیلی اردو) صوبہ خیبرپختونخوا کے ضلع ٹانک میں دہشت گردوں کے پولیس پر حملے میں ایس ایچ او سمیت 3 پولیس اہلکار ہلاک جبکہ ڈی ایس پی سمیت 5 اہلکار زخمی ہوگئے۔
https://twitter.com/ShabbirTuri/status/1723289162286354467?t=ZYrlhZzYnL8jldTTINsdRw&s=19
ڈی پی او ٹانک افتخار شاہ نے نجی ٹی وی چینل آج نیوز کو بتایا کہ ڈی ایس پی چن شاہ کی سربراہی میں پولیس اہلکار 11 سالہ بچی کے اغواء کاروں کی تلاش میں گاوں شاہ نور میں موجود تھے کہ گھات لگائے دہشت گردوں نے فائرنگ شروع کردی جس کے نتیجے میں تھانہ صدر کے ایس ایچ او عبدالعلی، کانسٹیبل وہاب اور محمد عالم ہلاک ہوگئے۔
حملے میں ڈی ایس پی چن شاہ، اکرام، ریاض اشفاق، وفاق اور ہدایت زخمی ہوئے جن کو زخمی حالات میں ٹانک ہسپتال لایا گیا جن میں سے 3 شدید زخمیوں ڈی ایس پی چن شاہ، اکرام اور ریاض کو ڈیرہ اسماعیل خان ڈسٹرکٹ ہیڈکوارٹر ہسپتال منتقل کردیا گیا۔
https://twitter.com/ShabbirTuri/status/1723388977791811731?t=9wNuBFF5tTJ0lO1RsOmt4g&s=19
ڈی پی او نے مزید بتایا کہ پولیس کی بھاری نفری جائے وقوعہ پر پنچ گئی ہے اور حملہ اوروں کی تلاش جاری ہے۔
پولیس اہلکاروں کی نماز جنازہ ادا
دوسری جانب ٹانک میں مسلح افراد کی فائرنگ سے ہلاک ہونے والے پولیس اہلکار کی نماز جنازہ ادا کردی گئی۔
مسلح افراد کی فائرنگ سے ہلاک ہونے والے پولیس اہلکاروں کی ڈی پی او آفس ٹانک میں نماز جنازہ ادا کر دی گئی جبکہ نماز جنازہ میں سول، عسکری اور پولیس افسران نے شرکت کی۔
پولیس کے چاک و چوبند دستے نے اہلکاروں کو سلامی پیش کی، گاؤں شاہ نور میں پولیس پارٹی پر دہشت گردوں کی فائرنگ میں 3 اہلکار ہلاک ہوئے تھے۔
ہلاک ہونے والوں میں ایس ایچ او عبدالعلی، کانسٹیبل وہاب گل اور محمد عالم شامل ہیں، حملے میں ڈی ایس پی سمیت پانچ اہلکار زخمی ہوئے تھے۔
