لکی مروت (ڈیلی اردو) صوبہ خیبر پختونخوا کے ضلع لکی مروت میں نامعلوم شدت پسندوں نے پولیس اہلکار کے زیر تعمیر مکان کو دھماکہ خیز مواد سے اڑا دیا۔
پولیس کے مطابق یہ واقعہ لکی مروت کے علاقہ سرائے گمبیلا میں پیش آیا جہاں نامعلوم شدت پسندوں نے رات گئے پولیس اہلکار کے زیر تعمیر مکان میں بارودی مواد نصب کیا تھا۔
بارودی مواد پھٹنے کے نتیجے میں زیر تعمیر عمارت منہدم ہوگئی جبکہ دھماکے میں کوئی جانی نقصان نہیں ہوا۔
