ٹانک (ڈیلی اردو) صوبہ خیبر پختونخوا کے ضلع ٹانک کے نواحی گاؤں عمر خیل میں دو روز سے لاپتہ فرنٹیئر کانسٹیبلری (ایف سی) کے اہلکار کی لاش کھیتوں سے برآمد کرلی گئی ہے۔
#Pakistan: The dead body of a FC soldier, who was missing for the past 2 days, in Tank district has been found. https://t.co/X5VhSzvzWH
— ???? (@cozyduke_apt29) April 8, 2024
تفصیلات کے مطابق تھانہ صدر کی حدود وارن کلئی کی زمینوں میں حاضر سروس ایف سی اہلکار کی لاش برآمد ہوئی ہے۔
پولیس ذرائع کا اس حوالے سے کہنا ہے کہ ایف سی اہلکار دو دن پہلے ٹانک میں لا پتہ ہوا تھا پولیس کے مطابق اہلکار کی شناخت فضل الرحمان سکنہ گاؤں عمر خیل سے ہوئی ہے۔
ذرائع کا کہنا ہے کہ پولیس نے نعش ڈی ایچ کیو ہسپتال منتقل کر دی۔
ڈی پی او ٹانک کا اس حوالے سے کہنا ہے کہ حاضر سروس اہلکار کے قتل کے واقعہ کی تفتیش جاری ہے۔