لکی مروت (نمائندہ ڈیلی اردو) صوبہ خیر پختونخوا کے ضلع لکی مروت میں پولیس نے دہشت گردوں کی جانب سے تھانے پر حملے کی کوشش ناکام بنادی۔
پولیس کے مطابق تھانہ برگی پر دہشت گردوں نے حملہ کردیا، پولیس نے بروقت فائرنگ کا جواب دیتے ہوئے حملہ پسپا کردیا۔
پولیس اور دہشت گردوں کے درمیان 15 منٹ تک فائرنگ کا تبادلہ ہوا۔
ترجمان لکی مروت پولیس کے مطابق پولیس کی بروقت جوابی کارروائی سے دہشت گرد اپنا ہدف حاصل کرنے میں ناکام رہے اور رات کی تاریکی کا فائدہ اٹھا کر فرار ہوگئے۔
واقعے کے بعد علاقے میں سرچ آپریشن شروع کردیا گیا ہے۔
