خار (نمائندہ ڈیلی اردو) صوبہ خیبر پختونخوا کے قبائلی ضلع باجوڑ کی تحصیل ماموند میں انسداد پولیو مہم کے دوران پولیس اہلکار پر نامعلوم افراد نے فائرنگ کردی، جس سے ڈیوٹی پر مامور اہلکار اعظم خان شدید زخمی ہوگیا۔
#Pakistan: A policeman, who was deployed for the protection of the anti-polio vaccination team, was shot dead by unknown assailants in Mamond tehsil, Bajaur district. https://t.co/EtREdz4Frj
— ???? (@cozyduke_apt29) April 30, 2024
پولیس کے مطابق باجوڑ میں انسداد پولیو مہم کے دوسرے روز تحصیل ماموند کے علاقے کٹکوٹ میں ڈیوٹی پر تعینات پولیس اہلکار پر نامعلوم مسلح افراد نے فائرنگ کی۔
فائرنگ کے نتیجے میں زخمی ہونے والے پولیس اہلکار کو فوری طور پر ڈی ایچ کیو ہسپتال منتقل کیا گیا لیکن وہ زخموں کا تاب نہ لا کر چل بسا۔
پولیس اہلکار پر فائرنگ کے بعد نامعلوم حملہ آور جائے وقوع سے فرار ہوگئے۔
واقعے کے بعد پولیس نے علاقہ کو گھیرے میں لے کر ملزمان کے خلاف سرچ آپریشن شروع کیا۔
