پشاور (ڈیلی اردو) انسپکٹر جنرل آف پولیس (آئی جی پی) خیبر پختونخوا اختر حیات خان گنڈاپور نے کہا ہے کہ کاؤنٹر ٹیررزم ڈیپارٹمنٹ (سی ٹی ڈی) دہشتگردوں کے خلاف جوانمردی سے لڑ رہا ہے۔
پشاور میں نجی ٹی وی چینل جیو نیوز سے گفتگو کرتے ہوئے آئی جی نے کہا کہ رواں سال سی ٹی ڈی نے 91 دہشت گردوں کو ہلاک کیا۔
آئی جی اختر حیات کا کہنا تھا کہ ہلاک دہشت گردوں میں اہم کمانڈر عظمت، اکبر اور دیگر شامل ہیں۔
انہوں نے کہا کہ رواں سال 43 پولیس اہلکار شہید ہوئے جہاں جنوبی اضلاع میں سب سے زیادہ 34 پولیس اہلکار شہید ہوئے۔
آئی جی کے پی کا کہنا تھا کہ شہید پولیس اہلکاروں کے اہل خانہ کو بروقت شہداء پیکیج مل رہا ہے۔
