حیدر آباد (ڈیلی اردو) کاؤنٹر ٹیررازم ڈیپارٹمنٹ (ٹی ڈی ٹی) اور رینجرز نے صوبہ سندھ کے ضلع جامشورو میں مشترکہ طور پر کارروائی کر کے کالعدم تنظیم ٹی ٹی پی کا اہم دہشت گرد گرفتار کر لیا ہے۔
https://x.com/cozyduke_apt29/status/1793678971844125017?t=DyIaIhaVQETCIWmlOHFTBQ&s=19
تفصیلات کے مطابق سی ٹی ڈی اور رینجرز نے خفیہ معلومات پر مشترکہ کارروائی جامشورو میں کی، اس دوران کالعدم تنظیم تحریک طالبان پاکستان کے اہم دہشتگرد کو گرفتار کر لیا گیا، ملزم کی شناخت عمر فاروق کے نام سے ہوئی ہے۔ حکام کے مطابق ملزم سے اسلحہ اور دستی بم برآمد ہوا ہے۔
ترجمان سی ٹی ڈی نے بتایا کہ گرفتار دہشتگرد سوات میں سکیورٹی فورسز سے مقابلہ میں زخمی بھی ہو چکا، اس کے علاوہ وہ دہشتگردی کی کئی کارروائیوں میں ملوث تھا، گرفتار دہشتگرد کو مزید تفتیش کیلئے نامعلوم مقام پر منتقل کر دیا۔
