اسلام آباد (ڈیلی اردو) حکومت پاکستان نے برطانیہ سے ایک انتہائی مطلوب دہشت گرد کی حوالگی مانگ لی ہے۔ مبینہ طور پر یہ مطلوب دہشت گرد تنظیم کا سرغنہ رہا ہے. ملزم جو برطانیہ میں مفرور ہے پر سابق وزیر داخلہ پنجاب مرحوم کرنل شجاع خانزادہ پر خودکش حملے کی پلاننگ کا الزام ہے۔
https://x.com/Natsecjeff/status/1793686573978145036?t=ieKBCMardThbF4hv6XrM8A&s=19
وزارت داخلہ کے حکام نے ہم انویسٹگیشن ٹیم کو بتایا ہے کہ کابینہ کی منظوری کے بعد ملزم مسعود الحق سیکھوی کی حوالگی مانگ لی گئی ہے. حکام بتاتے ہیں کہ مبینہ طور پر مسعود الحق کے داماد بھی شجاع خانزادہ پر حملے میں ملوث تھا۔
https://x.com/cozyduke_apt29/status/1793698812240052545?t=DJN_ZgTJ612pN95SW286cQ&s=19
حکام نے بتایا ہے کہ سی ٹی ڈی پنجاب نے ایک ملزم کو گرفتار کیا تھا جنکی ابتدائی تفتیش میں انکشاف ہوا تھا کہ ملزم نے حمزہ شبیر عرف حافظ اور قاری سہیل کو پناہ دی تھی جنہوں نے اپنے سسر مسعود الحق سیکھوی کی ہدایت پر کرنل (ر) شجاع خانزادہ پر خودکش حملہ کیا تھا۔
مسعود الحق کا تعلق کالعدم تنظیم لشکرجھنگوی سے تھا۔
سرکاری حکام نے بتایا ہے کہ اس وقت ملزم مسعود الحق مفرور، انٹرپول کی ریڈ لسٹ اور یو کے میں مقیم ہے۔
وفاقی کابینہ نے وزارت داخلہ کی سفارش پر پاکستانی شہریت کے تین ملزمان کی حوالگی کے حوالے سے حکومت پاکستان اور حکومت برطانیہ کے درمیان مفاہمتی یادداشتوں پر دستخط کی منظوری دی تھی۔
ملزم پر الزام ہے ان کے داماد کے گھر اور مدرسے کو دہشت گردوں کی سہولت کاری، خودکش جیکٹ بنانے اور دھماکہ خیز مواد ذخیرہ کرنے کے لیے استعمال کیا جاتا تھا۔ ملزم مدرسہ ابراہیمیہ سیخ کا مہتمم تھا۔
شجاع خانزادہ کے کیس میں ملزم کے سسر مسعود الحق سیکھوی اور بہنوئی ابراہیم سیکھوی، دونوں اشتہاری ملزم اور پاکستان کو انتہائی مطلوب ہیں.اس وقت برطانیہ میں مقیم تھے۔
وفاقی کابینہ نے دو اور مفرور ملزمان مظہر رشید اور عدنان رشید بھی واپس پاکستان لانے کیلیے درخواست کردی گئی ہے۔ وزارت داخلہ نے اس پیش رفت کی نجی ٹی وی چینل کو تصدیق کردی ہے۔
ملزمان کی حوالگی کیلیے حکومت برطانیہ کو خطوط بھی لکھے گئے ہیں. وزارت داخلہ کے حکام نے مزید بتایا کہ وفاقی کابینہ کی منظوری کے مفرور ملزمان کی حوالگی کا مطالبہ کیا گیا ہے۔
یاد رہے کہ 16 اگست 2015 کو پنجاب کے وزیر داخلہ کرنل (ر) شجاع خانزادہ پر پنجاب کے علاقے اٹک میں اُن کے آبائی گاؤں شادی خان میں خودکش حملہ کیا گیا تھا جس میں وزیر داخلہ سمیت 18 افراد ہلاک جبکہ 23 زخمی ہوئے تھے.
