سیلاب میں گھرے ایرانی عوام کی مدد کو تیار ہیں: وزیراعظم عمران خان

اسلام آباد (ڈیلی اردو) وزیراعظم عمران خان نے کہا ہے کہ ہم غیر معمولی سیلاب میں گھرے ایرانی عوام کیلئے دعاگو ہیں اور ان کیلئے ضروری امدادی سامان بھجوانے کیلئے تیار ہیں۔

وزیراعظم پاکستان نے یہ بیان اتوار کو اس تناظر میں جاری کیا ہے۔

جس کے مطابق ایران کے مختلف علاقوں بالخصوص جنوبی ایران کا عراق سے متصل صوبہ خوزستان بدترین سیلاب کا شکار ہے۔

یاد رہے کہ ایران میں مارچ کے مہینے سے سیلاب کی تباہ کاریاں جاری ہیں جس کے نتیجے میں اب تک 70 افراد جاں بحق ہوچکے ہیں جبکہ 500 سے زائد افراد زخمی ہوگئے ہیں، ایرانی میڈیا کے مطابق 4 لاکھ سے زائد افراد بے گھر ہو گئے ہیں۔ جبکہ سڑکیں، پل، مکانات اور دیگر انفرااسٹرکچر کوکافی نقصان پہچا ہے اور ہزاروں افراد بے گھر ہوگئے ہیں۔

Facebook Notice for EU! You need to login to view and post FB Comments!

اس خبر پر اپنی رائے کا اظہار کریں

اپنا تبصرہ بھیجیں