کالعدم تنظیموں کو غیر مسلح کر رہے ہیں، مودی الیکشن جیت جائے تو بہتر ہو گا: وزیراعظم

اسلام آباد (نیو زڈیسک) وزیراعظم عمران خان نے کہا ہے کہ کالعدم تنظیموں کو غیر مسلح کر رہے ہیں، مدارس کا کنٹرول سنبھال لیا ہے، مودی الیکشن جیتا تو مسئلہ کشمیر کے حل میں بھی پیشرفت ہوسکتی ہے۔ عمران خا ن کا کہنا تھا کہ اگر کانگریس اقتدار میں آئی تو وہ بی
جے پی کے خوف سے مذاکرات سے گھبرائے گی لیکن اگر دائیں بازو کی بھارتی جنتا پارٹی اقتدار میں آئی تو مسئلہ کشمیر کے حل کی طرف بڑھنے کے امکانات بڑھ جائیں گے۔وزیراعظم نے مزید کہا کہ مودی اسرائیلی وزیر اعظم کی طرح خوف اور قومی جذبات ابھار کر الیکشن جیتنا چاہتے ہیں جبکہ بی جے پی کی جانب سے کشمیریوں کے خصوصی حقوق چھیننے کے اعلان کے حوالے سے تشویش ہے، بھارت میں بسنے والے مسلمان جو پہلے خوش باش تھے اب وہ شدت پسندوں کے حملوں سے خوفزدہ ہیں