اسلام آباد (انعم پرویز) انٹرنیشنل اسلامک یونیورسٹی اسلام آباد کے اساتذہ جبری برطرفیوں کے خلاف، الاونسسز کی بحالی اور ترقیوں کے سلسلہ میں کل بروز پیر کو احتجاجی مظاہرہ کریں گے۔
اکیڈمک اسٹاف ایسوسی ایشن کے قائدین اور پروفیسرز یونیورسٹی گیٹ سے کشمیر ہائی وے تک ریلی نکالیں گے جس میں مطالبات کی فہرست یونیورسٹی انتظامیہ کو دی جائے گی۔ ایم فل الاونس کی بحالی، برطرف اساتذہ کی بحالی، بورڈ آف گورننس میں اساتذہ کی شمولیت ، ریسرچ اعزازیہ کی بحالی کے مطالبات جامعہ انتظامیہ کو دیے جائیں گے۔ مظاہرہ دن دس بجے شروع کیا جائے گا۔
