اسلام آباد (ڈیلی اردو/اے پی پی) وزیراعظم عمران خان نے کہا ہے کہ آج اداروں کے درمیان ٹکراﺅ کے ذریعے ملک میں عدم استحکام کی خواہش رکھنے والوں کے لئے مایوسی کا دن ہے، چیف جسٹس آف پاکستان جسٹس آصف سعید کھوسہ پاکستان کے عظیم ججوں میں سے ایک ہیں۔
Mafias who have stashed their loot abroad and seek to protect this loot by destabilising the country.
— Imran Khan (@ImranKhanPTI) November 28, 2019
جمعرات کو ٹویٹر پر اپنے پیغام میں وزیراعظم عمران خان نے کہا کہ آج اداروں کے درمیان ٹکراﺅ کے ذریعے ملک میں عدم استحکام کی خواہش رکھنے والوں کے لئے مایوسی کا دن ہے۔ انہوں نے کہا کہ آج کا دن ہمارے بیرونی دشمن اور ہمارے اندر موجود مافیاز کے لئے بھی خاص طور پر مایوسی کا دن ہے جنہوں نے ملکی دولت لوٹ کر باہر جمع کر رکھی ہے اور ملک میں عدم استحکام کے ذریعے اپنی دولت کو محفوظ بنانے کی خواہش رکھتے ہیں۔
وزیراعظم نے کہا کہ ریکارڈ کے لئے میں یہ کہنا چاہتا ہوں کہ چیف جسٹس آصف سعید کھوسہ پاکستان کے عظیم ججوں میں سے ہیں اور میں ان کی بہت عزت کرتا ہوں۔
Also, for the record, I have the greatest respect for CJ Khosa, one of the greatest Jurists produced by Pakistan.
— Imran Khan (@ImranKhanPTI) November 28, 2019
انہوں نے کہا کہ ہماری جماعت وہ پہلی جماعت ہے جس نے 23 سال پہلے آزاد عدلیہ اور قانون کی حکمرانی کی بات کی۔ 2007ء میں پی ٹی آئی آزاد عدلیہ کی تحریک میں سب سے آگے تھی اور عدلیہ کی آزادی کی تحریک کی پاداش میں مجھے جیل بھی بھیجا گیا۔
