کراچی (مانیٹرنگ ڈیسک) کراچی کے ساحلی علاقے سی ویو پر جنگی میزائل برآمد ہوا ہے، جس پر بم ڈسپوزل اسکواڈ نے علاقے کو خالی کرالیا ہے۔
تفصیلات کے مطابق آج سی ویو سے جنگی میزائل برآمد پانی میں تیرتا ہوا کنارے پر آپہنچا، جس پر سیکیورٹی پر مامور حکام نے فوری طور پر بم ڈسپوزل اسکواڈ کو اطلاع دی، بم ڈسپوزل اسکواڈ نے موقع پر پہنچ کر میزائل کو اپنی تحویل میں لے لیا ہے۔
حکام کے مطابق میزائل میں بھاری مقدار میں دھماکہ خیز مواد موجود ہے، اسی خطرے کے پیش نظر قریبی رہائشی عمارت کو خالی کرالیا گیا ہے۔
دوسری جانب پولیس حکام کا کہنا ہے کہ سی ویو سے ملنے والا میزائل نیوی کی پراپرٹی ہے۔ میزائل میں لکڑی کا استعمال ہے، اسی لیے ساحل تک آگیا، اور میزائل کو نیوی ٹیم کے حوالے کردیا گیا۔
